اسلام آباد 12جنوري (اے پي پي) د اطلاعات او خپرونو وزیر مملکت فرخ حبیب وئيلي دي سمندر پورې پاکستانیانو له د ووټ حق وركولو لپاره موجوده حکومت عملی اقدامات كړي، سمندر پورې پاکستانیان زمونږ وياړ دي، د هغوې خذمت به روان ساتلے شي۔د دې خيالاتو څرګندونه ده د شورو په ورځ د سمندر پورې پاکستانیانو کنونشن ته وينا كښې وكړه۔ وزیر مملکت فرخ حبیب ووئيل حکومت د وراثتي سرټیفیکیټ عمل شفاف او آسان كړے ،دې څخه به سمندر پورې پاکستانیان هم استفادہ وكړي۔روشن ډیجیټل اکاؤنټ كښې بهر هېوادونو كښې مېشته پاکستانیانو 3 اربه ډالره رالېږلي ، په دې مونږ د هغوې مننه كوو۔ده ووئيل سمندرپورې پاکستانیان په نړۍ كښې د مظلومو کشمیریانو لپاره غږ پورته كوي ،پاکستان به د هند ظلمونه هم دغسې په ډاګه كوي ۔ وزیر مملکت فرخ حبیب ووئيل د سېلګرۍ په څانګه كښې په زړه پورې موقعې شته په كومه كښې چې سمندر پورې پاکستانیان سرمایه كاري كولې شي۔وزیر مملکت فرخ حبیب ووئيل د کوویډ- 19 چیلنج څخه زمونږ معیشت هم ستونزو سره مخ شوے ، د وزیراعظم عمران خان کامیابه تګلاره وه كومه چې ټولې نړۍ ستائلې ۔ نن په پاکستان كښې صنعتونه 100فیصده كار كوي ،د ګاړو او موټرسائیکلو ریکارډ خرڅ شوے ۔ ده ووئېل د هاؤسنګ په څانګه كښې د 1000 اربه په منصوبو كار روان دے۔د کم آمدن كورونو لپاره د 260 اربه روپو خواستونه راغلي چې پكښې 40 اربه وركړې شوې۔ده ووئيل معاشی، کوویډ 19، نړيوالې ګرانۍ او د ټرانسپورټیشن په شان چيلنجونو سره مخ يو ۔ 7 کروړه آبادۍ ته ويړيا ویکسین لګولې شوې او د 250اربه روپو ویکسین ??خس??لې شوې۔ده ووئيل سماجی تحفظ نیټ ورك جوړ شوے ، صحت انصاف کارډ معارفي كړے شوے ،د 260 اربه روپو احساس پروګرام معارفي كړے شوے دغسې چې غریبو طبقو نيغ په نيغه مرسته وكړې شي
